Ишкерлер кылмыштуу топтордун кысымына кабылууда

0

Көп учурларда уюшкан кылмуштуу топтор тарабынан жабыр тарткан жарандар, анын ичинде ишкерлер арыз менен кайрылбайт. Алар кийин зыяны тийип калабы  деп коркушат. Чын эле ошондой болуп жатат. Кылмышкерлер милицияны таптакыр тоотпой калды. Буга жакында эле болгон Бостери айылындагы кафенин өрттөлүшүн мисал тартсак болот. Бул тууралуу депутат Дастан Бекешев Жогорку Кеӊештин жыйынында билдирди.

Ал өзгөчө ишкерлер уюшкан кылмуштуу топтордун кысымына кабылып жатканын баса белгиледи.

«Кафенин ээси мурда эле уюшкан кылмуштуу топтор тарабынан кысым көрсөтүлүп жатканы боюнча милицияга кайрылыптыр. Бирок, алар УКТ мүчөлөрүн камактан бошотуп жиберишкен. Мына, эми анын аягы эмне менен бүткөнүн көрүп турасыздар. Мындай окуялар Каракол баштаган көп жерлерде болгон. Мен ошондо да бул маселени козгогон болчумун, андан жарытылуу жыйынтык чыккан эмес. ИИМ, алтургай, УКМК баштаган укук коргоо органдары бул маселени көзөмөлгө алып, тиешелүү чараларды көрүшү керек», - дейт эл өкүлү.

URL: http://kyr.bulak.kg/show/2634
Досторуң менен бөлүш
Вконтакте Одноклассники