Тез жаңылыктар:

Кайра иштетүүчүлөр үчүн пайдадан алынган салыкка жана КНСке берилген жеңилдиктер 2018-жылдын 1-сентябрына чейин узартылды

0

Атамекендик айыл чарба продукциясын кайра иштетүүчүлөрүн колдоо максатында кайра иштетүүчүлөр үчүн пайдадан алынган салыкка жана КНСке берилген жеңилдиктер 2018-жылдын 1-сентябрына чейин узартылды. Бул тууралуу Премьер-министр Сапар Исаков бүгүн, 17-апрелде, Өкмөттүн 2017-жылдагы ишмердүүлүгү тууралуу Кыргыз Республикасынын Жогорку Кеңешинин «Республика-Ата-Журт», «Өнүгүү-Прогресс», «Ата-Мекен» фракцияларына отчет берип жатып айтты.
Андан тышкары бизнести жүргүзүү жана инвестициялык климаттын шарттарын жакшыртуу максатында Өкмөт тарабынан бир катар чаралар кабыл алынды. Салык жана инвестициялык саясат жаатында төмөнкү чаралар кабыл алынды:
- дотацияда турган райондордо жаңы ачылган ишканаларга жеңилдиктер берилди;
- акциздик маркаларды контролдоо багытында депозиттик төлөм механизми киргизилди;
- лизингдик компаниялар КНСтен, сатуудан алынуучу салыктан бошотулду, пайдадан алынган салыктан 5%га жеңилдик алышты;
- мектептик билим берүүчү менчик уюмдар КНСтен жана пайдадан алынган салыктан бошотулду;
- тамекинин акциздик салыгы 2022-жылга чейин көбөйтүлдү;
- Кыргыз Республикасынын аймагына данды жана унду ташып киргизүүнү / сатууну КНСтен бошотуу алынып салынды;
- салыктык процедураларды фискалдаштыруунун электрондук системасы иштегени турат;
- Инвестицияларды жылдыруу жана коргоо боюнча агенттиктин статусу жогорулатылды. Эми Агенттик – инвестициялык долбоорлорду башынан баштап, аягына чейин чыгарат (“под ключ”). Бул инвесторлордун көйгөйлөрүн ыкчам чечүүгө жана бюрократиялык тоскоолдуктарды кыскартууга жол ачат;
— 10 жылдын аралыгында инвесторго эң ыңгайлуу салык режимин тандоо укугун берүүчү Стабилдештирүү режимин колдонуу жөнүндө жобо бекитилди.

URL: http://kyr.bulak.kg/show/4560
Досторуң менен бөлүш
Вконтакте Одноклассники