Эл аралык издөөдө жүргөн террордук уюмдун мүчөсү кармалды

0

Эл аралык террордук уюмдун мүчөсү кармалды. Бул тууралуу УКМКнын маалымат кызматы кабарлады.

Маалыматка ылайык, 29-январда УКМКнын кызматкерлеринин ыкчам иликтөө иш-чараларынын жүрүшүндө  М.Х. аттуу Кыргызстандын жараны кармалган. Кылмышка шектүү эл аралык издөөдө жүргөн.

Кылмышка шектүү  2015-жылы  террористердин идеологиясын үгүттөп Сирияга кеткен. Сириядан эл аралык согушкерлерге кошулуп, Сириянын өкмөттүк күчтөрүнө каршы согушкан.

URL: https://kyr.bulak.kg/show/8217